Presidentja e Kosovës, Vjosa Osmani organizoi dy ditë më parë pritjen e fundvitit për mediat, ku falënderoi gazetarët për punën e tyre gjatë vitit.
Ajo u kujdes të falënderonte veçanërisht gazetarët që kanë raportuar nga veriu i Kosovës gjatë kohës kur ndodhën trazirat. Por gjatë pritjes, presidentja pati një fjalim ndryshe nga sa jemi mësuar ta shohim zakonisht.
Fjalimin e përmbylli me fjalinë “This barbie is the president (kjo barbie është presidente)”, pasi, siç tha presidentja, shpeshherë është pyetur se përse po vishet me ngjyrë rozë.
Ky fjalim është bërë menjëherë viral në rrjet.