Edicioni i tretë i “Big Brother VIP” është vetëm 4 ditë larg e teksa çdo gjë është gati, për publikun ka ende situata të paqarta.
Pas konfirmimit të Ledion Liços si moderator i këtij sezoni, në rrjet filloi të qarkullonte lajmi se Arbana do të jetë bashkëprezantuese me të.
Mirëpo, ky mbetet vetëm një aludim pasi ende nuk është konfirmuar zyrtarisht nga Top Channel.
Megjithatë, TCH po ka konfirmuar se Eduart Grishaj nuk do të jetë më regjisori i BBV, pasi është zëvendësuar nga Ergys Lubonja.
Kjo u zbulua në lajmin e publikuar nga vetë shtëpia mediatike, ku regjisori Lubonja është ai që flet për këtë sezon të ri të BBV dhe risitë që kanë ndodhur.
