Janari po afron dhe dita ditës, burime të ndryshme po konfirmojnë personazhet që pritet ti bashkohen shtëpisë së “Big Brother VIP Albania”.
Deri më tani është konfirmuar hyrja në reality show e Graciano Taganit, Endrik Bibës, Alfio Rrotani, këngëtari La Fazani (Arbër Salihu) dhe reperi Bardhi.
Ndërsa së fundmi, burime për “Panorama” kanë konfirmuar edhe hyrjen e aktorit Olsi Bylyku. Prej kohësh emri i tij është aluduar se do të jetë pjesë e BBVA. Madje, pritet që edhe ish-partnerja e tij, Egli Tako, të jetë pjesë e shtëpisë së famshme.
Një emër tjetër që i njëjti burim konfirmoi është Albi Nako. Koreografi i famshëm i ka thënë po ftesës së produksionit, për të marrë pjesë në këtë reality show.
Aktualisht Albi është pjesë e “Dancing with the Stars Fan Club”, ku komenton kërcimet e konkurrentëve çdo të dielë, krah Kiara Titos.