Rrugët dhe lokalet e kryeqytetit moldav Kishinjev janë mbushur nga simbolet kombëtare kuq e zi, sikurse edhe nga tingujt e këngëve patriotike të tifozëve shqiptarë.
Siç duket nga videot e mëposhtme tifozët kuqezinj, e kanë nisur festën e fitores para kohe.
Tifozët kuqezi do të jenë prezent edhe në stadiumin e Zimbrusë me shpresën se në përfundim të ndeshjes së sotme do të festojnë kualifikimin për në Euro 2024 së bashku me skuadrën e drejtuar nga trajneri Silvinjo.
Për këtë transfertë mbështetësit e Kombëtares janë nisur nga shumë vende të Europës dhe festa e tyre në rrugët e kryeqytetit Kishinjev ka nisur disa orë para ndeshjes që starton sot në orën 18:00.